Perre, një qytet antik

Në provincën jugperëndimore të Adiyaman është një zonë me interesim të jashtëzakonshëm arkeologjik. Është një qytet antik i quajtur Perre, i cili ka qenë një prej pesë qyteteve më të mëdha në Mbretërinë e Commagenes. 

Perre ishte njohur si "Qyteti i Shenjtë" dhe mund të gjendet disa herë në Bibël. Ka pasur një rëndësi të jashtëzakonshme fetare dhe politike në të kaluarën.

Në burimet e lashta romake thuhej se shumë karvane, pasagjerë dhe ushtarë kanë pushuar në këtë zonë të bukur. Edhe sot, shatërvani romak është ende në përdorim.

Fatkeqësisht, qyteti antik ka humbur rëndësinë e tij pas periudhës bizantine dhe kurrë nuk e ka kthyer atë. Sot ka mbetje të një qyteti antik që kanë rëndësi të madhe historike. Ende në fshat mund të shihen varrezat në shkëmbinjë. Mozaiket e mëdha të gjendur në qytet përshkruajnë motive dashurie, figura 3D të planetit dhe forma gjeometrike tetëkëndore.

Gërmimet në këtë zonë kanë nisur në vitin 2001 dhe janë zbuluar shumë struktura të mrekullueshmme - blloqe të mëdha gurësh, furra bukësh, shatërvane, etj. Por, më interesantja për arkeologët ishte një kasolle për thurrje, e vjetër 1600 vjeç. 

Ashtu si në të gjitha gërmimet arkeologjike, puna në mënyrë të pashmangshme ngadalësohet gjatë muajve të dimrit, por në 1000 metra katrorë tashmë të gërmuar janë identifikuar ndërtesa banimi. Bazuar në gjendjen e këtyre gjetjeve, vlerësohet se tërmetet që ndodhën nga shekulli gjashtë deri në shekullin e shtatë, shkaktuan një dëm të madh në qytetin e lashtë.